420,31 511.30 5.69
+7 (7172) 757 485 24kz@khabar.kz
ҚАЗ

Сауд Арабиясы қажылыққа баруды уақытша тоқтатты

  • 1013
  • UPD: 10:56, 27.02.2020
Сауд Арабиясы қажылыққа баруды уақытша тоқтатты Global Look Press

Сауд Арабиясының билігі коронавирусқа байланысты Меккеге қажылық жасау және Мединадағы Пайғамбар мешітіне бару үшін елге кіруді уақытша тоқтатты.

Бұл туралы мәлімдеме корольдіктің Сыртқы істер министрлігінің Twitter парақшасында жарияланды.

«Умра (кіші қажылық) мақсатымен елге кіру және Пайғамбар мешітіне бару уақытша тоқтатылды», - делінген хабарламада.

Сауд Арабиясы сонымен бірге коронавирустың таралуы жағынан қауіпті елдерден келетіндерге туристік визалар беруді уақытша тоқтатады.

Айта кетсек, қасиетті Рамазан айы 25 сәуірде басталады, ал Құрбан айттың бірінші күні 31 шілдеге тұс келеді. Басқа діни мерекелер күнтізбесін мына жерден оқуға болады.

Хабар 24 телеарнасы