430,39 515.14 5.65
+7 (7172) 757 485 24kz@khabar.kz
ҚАЗ

Кипр шетелдермен арадағы әуе қатынасын жандандырады

  • 407
  • UPD: 10:48, 09.06.2020
Кипр шетелдермен арадағы әуе қатынасын жандандырады

9 маусымнан бастап Кипр басқа елдермен арадағы әуе рейстерін қалпына келтіреді.

Коронавирустық пандемияға байланысты 21 наурыздан бастап Кипр әуежайлары жабылған еді. Ал 4 мамырдан бастап пандемияға байланысты шектеулер біртіндеп жеңілдей бастады.

Әуежайларды ашу және Кипрдің басқа елдермен байланысын қалпына келтіру екі кезең бойынша жүргізілмек. Бірінші кезең – 2020 жылдың 9-19 маусымы, екінші кезең – 2020 жылдың 20 маусымынан бастап.

Әуе қатынасы қалпына келтіру үшін елдер екі санатқа бөлініп қарастырылады. А санатына Греция, Мальта, Болгария, Норвегия, Австрия, Финляндия, Словения, Венгрия, Израиль, Дания, Германия, Словакия, Литва жатады. Б категориясы – Швейцария, Польша, Румыния, Хорватия, Эстония, Чехия елдері.

Хабар 24 телеарнасы