419,66 501.30 5.64
+7 (7172) 757 485 24kz@khabar.kz
ҚАЗ

Ресейден бензин тасуға тыйым салу туралы қаулы жобасы әзірленді

  • 995
  • UPD: 11:44, 14.01.2019

Энергетика министрлігі Ресейден бензин жеткізуге тыйым салу туралы қаулы жобасын әзірледі. Мәселен, мұнан былай жанармайды теміржол арқылы тасымалдау шектеледі.

Ведомствоның баспасөз қызметі хабарлауынша, құжатқа қол қойылып жатыр. Ресми жарияланғаннан кейін 10 күн ішінде бұйрық күшіне енеді. Осыдан бұрын көрші елден бензин әкелуге өткен жылдың тамызында 3 айға шектеу қойылған еді. Энергетика министрі Қанат Бозымбаевтың айтуынша, тыйым ішкі нарықты тұрақтандыруға бағытталып отыр.

«Басқа амал жоқ. Кері жағдайда жергілікті мұнай өңдеу зауыттарындағы өндіріс қуаттылығын азайтуға тура келеді. Осылайша отандық пен шетелдік өндірушілер арасында таңдау жасауға мәжбүрміз. Әлбетте біз отандықты таңдаймыз. Бұл уақытша шара».

Хабар 24 телеарнасы