376.99 427.25 5.93
+7 (7172) 757 485 24kz@khabar.kz
ҚАЗ


Мемлекет басшысы: Жемқорлықпен әрбір адам күресуі тиіс

  • 132
  • UPD: 16:17, 02.04.2019
Мемлекет басшысы: Жемқорлықпен әрбір адам күресуі тиіс The Qazaq Times

Президент Қасым-Жомарт Тоқаев жемқорлықпен күресу әрбір адамның міндетіне, керек десеңіз парызына айналуы тиіс екенін атап өтті.

Бұл туралы Мемлекет басшысы «Egemen Qazaqstan» газетіне берген сұхбатында айтты.

«Әр заманның, әр қоғамның өне бойына батпандап кіріп, мысқалдап шығатын дерттер болады. Жемқорлық – сол қоғамдық санаға сына қағатын қасірет. Бүгінде жемқорлық қоғамдық өмірдің көптеген тұстарын жайлағаны жасырын емес.

Иә, Үкімет өз тарапынан заң аясында күресіп жатыр. Бұл аздық етеді. Егер әлемдік тәжірибеге сүйенсек, жемқорлықты жеңу үшін тек қана қатаң жаза ғана емес, жан жақты кешенді іс-әрекеттер қажет. Жемқорлықпен күрес ымырасыз жүруі тиіс және бұл тек Үкіметтің ғана емес, әрбір адамның міндетіне, керек десеңіз парызына айналуы тиіс», - деді Президент.

Хабар 24 телеарнасы