411,54 452,40 5.82
+7 (7172) 757 485 24kz@khabar.kz
ҚАЗ


Нұр-Сұлтан қаласындағы екі көшеге бір жақты қозғалыс енгізіледі

  • 297
Нұр-Сұлтан қаласындағы екі көшеге бір жақты қозғалыс енгізіледі

15 ақпаннан бастап қаладағы көлік құралдарының қозғалысын оңтайландыру мақсатында Рамазан және Әубәкір Ысмайылов көшелеріне бір жақты қозғалыс енгізу жоспарланған, деп хабарлады қала әкімдігінің ресми сайты.

«Елорда әкімдігіне тұрғындар тарапынан аталмыш көшелердегі қиын қозғалыс туралы көптеген өтініштер келіп түсті. Нәтижесінде Полиция департаменті Әкімшілік полиция басқармасымен бірге жолдың техникалық жағдайына шолу жасап, бір бағытты қозғалыс енгізу туралы шешімді қабылдады. Көлік қозғалысын сағат тілімен ұйымдастыру жоспарланған, атап айтқанда бір жақты қозғалыс Рамазан көшесінің бойымен шығыс бағытта және Әубәкір Ысмайылов көшесімен батыс бағытқа қарай ұйымдастырылады», - делінген хабарламада.

Енгізілетін өзгерістерге байланысты құзыретті органдар жүргізушілерден жол ережесін сақтап, сапарды алдын ала жоспарлауды сұрайды.

Хабар 24 телеарнасы