423,09 498,90 5.57
+7 (7172) 757 485 24kz@khabar.kz
ҚАЗ


Қызылорда облысында ескерткіштердің қазба жұмыстарына жұмыссыз жастар тартылады

  • 308
Қызылорда облысында ескерткіштердің қазба жұмыстарына жұмыссыз жастар тартылады

Алтын Орда хандығының Сыр өңірінде орналасқан экономикасы мен мәдениеті дамыған ескі қалалары жіті зерттеледі, деп хабарлайды «Хабар 24».

Осы ретте Қызылорда облысында 6 ескерткішке қазба жұмыстары жүргізіліп, оған жұмыссыз жастар тартылады. Ғалымдар ежелгі Бәбіш мола, ортағасырлық Жанкент, Сортөбе және Алтын Орда дәуіріндегі Сығанақ, Асанас, Қышқала шаһарларының сыр сандығын кеңінен саралап-сараптамақ. Осыдан 6 жыл бұрын да ауқымды археологиялық зерттеу жұмыстары қолға алынған болатын. Нәтижесінде облыстық өлкетану музей қоры 6 мың 486 құнды экспонатпен толықты. Жалпы аймақта 545 тарихи және мәдени ескерткіш бар. Оның 134-і археологиялық мұра санатында. Ықылымнан сыр шерткен көне қалаларды зерттеумен қатар инфрақұрылымын жетілдіруге де үлкен мән берілмек. Мәселен, республикалық маңызы бар Сығанақ, Жанкент сияқты жәдігер-шаһарлардың аумағы қоршалып, бару жолы қалыпқа келтірілді. Ендігі меже – тарихи нысандарды ашық аспан астындағы музейге және туристтік орталыққа айналдыру.

Мира Әбуова, облыстық мәдениет, архивтер және құжаттама басқармасының басшысы:

– Халық қазынасы болып саналатын руханият пен мәдениет әрбір өңірдің қарқынды дамуына ерекше орын алатыны анық. Бай тарихи-мәдени ескерткіштер мен құндылықтар шоғырланған Сыр өңірі ұлы Жібек жолы бойындағы танымдық, тәрбиелік маңызы бар жаңа туристік бағытқа айналуы тиіс. Ұрпақтар арасындағы сабақтастықтың негізі болып табылатын ұлттық құндылықтарымызды және ата-бабадан қалған мұраларды сақтап, өскелең ұрпаққа жеткізу – біздің басты міндетіміз.

Хабар 24 телеарнасы