389,65 428,03 6.01
+7 (7172) 757 485 24kz@khabar.kz
ҚАЗ


Ақтөбеде банк күзетшісі жұмысқа барар жолда букмекерлік кеңсені тонаған

  • 580
  • UPD: 18:14, 24.01.2019
Ақтөбеде банк күзетшісі жұмысқа барар жолда букмекерлік кеңсені тонаған tengrinews.kz

Ақтөбедегі банктердің бірінің күзетшісі жұмысына барар жолда букмекерлік кеңсені тонаған, - деп хабарлайды Tengrinews.kz Ақтөбе облыстық полиция департаментіне сілтеме жасап.

23 қаңтарда шамамен таңғы сегізде Ақтөбенің Шернияз көшесінде орналасқан букмекерлік кеңсеге белгісіз біреу келіп, тапаншаға ұқсас затпен қорқытып, ашық түрде 129 мың теңгені алып кеткен.

«Полицейлер ізін суытпай күдіктіні ұстады. Ол қаладағы банктердің бірінде күзетші болып жұмыс істейді. Одан ұрланған қаражат пен ойыншық тапанша тәркіленген», - дейді полиция департаментінің өкілдері.

Осы дерекке қатысты ҚР Қылмыстық кодексінің 191-бабы («Тонау») бойынша сотқа дейінгі тергеу шаралары жүріп жатыр. Күдікті уақытша ұстау изоляторына қамалды.

Хабар 24 телеарнасы