387,34 428,00 6.02
+7 (7172) 757 485 24kz@khabar.kz
ҚАЗ


Үкімет басшысы Ақтөбе облысына жұмыс сапарымен барды

  • 164
  • UPD: 13:48, 23.08.2019
Үкімет басшысы Ақтөбе облысына жұмыс сапарымен барды inform.kz

Ақтөбеге келген Үкімет басшысы Асқар Мамин жол, тұрғын үй құрылысымен танысты, деп хабарлайды ҚазАқпарат.

Ақтөбе қаласында 2011 жылдан бастап айналма жолдар салынып жатыр. Солтүстік айналма жол 2011-2013 жылдар аралығында салынып, қолданысқа берілді. Ал Оңтүстік айналма жол 2014 жылдан бері жалғасып келе жатыр.

«Оңтүстік айналма жолының ұзындығы 35 шақырымды құрайды. Алдымен 21 шақырым жол салынды. Екінші кезеңде көпір құрылысы да бар. 2020-2021 жылдары аяқтау жоспарда бар. Ақтөбе қаласын айналып өтуге мүмкіндік беретін жолды толық аяқтау үшін тағы 2,8 миллиард теңге қажет. Үкіметтен қаржылық қолдау сұраймыз», – деді Ақтөбе облыстық жолаушылар көлігі және автомобиль жолдары басқармасының басшысы Мәлімбет Ибрашев.

Ал Ақтөбе-Орск тасжолының 16 шақырымына жөндеу қажет болса, биыл 8 шақырымы қолданысқа беріледі. Келесі жылы жұмысты аяқтау үшін республикалық бюджеттен 500 миллион теңге қаржы сұралды. Айта кетейік, Ақтөбеде Батыс айналма жолы да дайындалып жатыр. Үшінші айналма жолдың техникалық-экономикалық негіздемесі дайындалып, мемлекеттік сараптамаға жіберілді. Премьер-Министр көпір құрылысымен танысып, қаржы жайын да сұрады.

Хабар 24 телеарнасы