365,48 417.85 5.52
+7 (7172) 757 485 24kz@khabar.kz
ҚАЗ

«Болашақ» стипендиясы қанша адамға берілді?

  • 230
  • UPD: 23:08, 28.06.2018

Қазақстан Республикасының Мемлекеттік хатшысы Гүлшара Әбдіқалықова Шетелде кадрлар даярлау жөніндегі республикалық комиссияның отырысына қатысты.

Гүлшара Әбдіқалықова басқосуда сөйлеген сөзінде Елбасының «Төртінші өнеркәсіптік революция жағдайындағы дамудың жаңа мүмкіндіктері» атты халыққа биылғы жолдауында адами капиталды дамыту маңызды міндеттің бірі ретінде аталғанына тоқталды.

– Қазақстанның одан әрі дамуы мүлде өзгеше ойлау жүйесін қалыптастыруды және тез үйреніп, бейімделе білу қабілетін талап ететін цифрлық дәуірдің жаңа жаһандық трендтеріне сәйкес жүргізілетін болады. Ол үшін біз, ең алдымен, білім саласын жаңа инновациялық индустрияландыру талаптарына бейімдеуіміз қажет, – деді Мемлекеттік хатшы.

Комиссия отырысы аясында Білім және ғылым министрлігінің «Болашақ» халықаралық стипендиясының іске асырылуы жөніндегі ақпараты тыңдалды, сондай-ақ басқа да бірқатар мәселелер қаралды.

Комиссия шешімімен стипендия әлемнің жетекші жоғары оқу орындарында магистратура, докторантура бағдарламалары бойынша оқуға және тағылымдамадан өтуге жіберілетін 76 үміткерге тағайындалды.

Мемлекеттік хатшы Гүлшара Әбдіқалықова жиын қорытындысы бойынша «Болашақ» халықаралық стипендиясын іске асыруды одан әрі жалғастыру жөнінде бірқатар тапсырма берді.

Ақпарат көзі: akorda.kz

Осы категория бойынша: « Шымкентте ғылыми нәтижелерді қаржыландыру жөнінен семинар өтті Қазақстан мен Әзербайжан ЖОО-лары арасында ынтымақтастық артады »
Серіктестер жаңалықтары
Хабар 24 телеарнасы