384,59 430.70 6.11
+7 (7172) 757 485 24kz@khabar.kz
ҚАЗ


Түркиядағы төтенше жағдай тәртібі тағы 3 айға ұзартылады

  • 426
  • UPD: 13:44, 04.01.2017

Түркияда төтенше жағдай тәртібі тағы 3 айға ұзартылатын болды.

Сәйкес шешімді парламент мақұлдаған. Жалпы, бұл тәртіп былтыр шілдеде әскерилердің мемлекеттік төңкеріс жасамақ болған әрекетінен кейін енгізілген еді. Содан бері ұзартылып келеді.

Айта кеткен жөн, өткен жылдың 16 шілдесіне қараған түні бір топ әскери қызметкерлер бүлік шығарып, билікті басып алмақ болған. Алайда бұл әрекеттерінен түк шықпады. Қарулы қақтығыстар кезінде 200-ден астам адам қаза тауып, тағы 2 мыңнан астамы жараланған. Шамамен жарты жыл ішінде төңкеріске қатысы бар болуы мүмкін деген күдікпен 41 мыңнан астам адам қамауға алынған.

Хабар 24 телеарнасы