432,64 506,00 5.46
+7 (7172) 757 485 24kz@khabar.kz
ҚАЗ

Өзбекстанда аптап ыстық рекордтық көрсеткішке жетті

  • 674
Өзбекстанда аптап ыстық рекордтық көрсеткішке жетті yep.uz

Ташкентте мамыр айы үшін рекордтық температура тіркелді, деп хабарлайды «Хабар 24».

Соңғы жүз жылда болмаған аптап ыстық орнап, сынап бағанасы 40 градустан асты. Соңғы рет мұндай шіліңгір ыстық 1902 жылы тіркеліпті. Негізі осы айдың басында Өзбекстандағы күн райы тұрақсыз болды. Үш апта бойы нөсер жаңбыр жауып, қатты жел соқты. Тіпті кейбір жерлерде бұршақ жауған. Соңғы он күнде Қарақалпақстан Республикасында, Хорезм, Бұқара мен Навои облыстарында күн қатты ысып, күндіз сынап бағанасы 42 градусты көрсетті. Ал шөлді аудандарда ауа температурасы 44 градусқа дейін барған.

Виктория Ведерникова, гидрометеорологиялық қызмет орталығы болжау бөлімінің жетекші инженері:

– Қарақалпақстан мен Хорезмде мамыр айында бұрын-соңды осыншама жоғары температура тіркелмеген. Ташкентте ең ыстық күн 1902 жылы болған. Онда ауа температурасы 39,9 гардусқа жеткен екен. Ал Нүкістегі ең жоғарғы көрсеткіш 41,3 градус болса, биыл мұнда рекордтық температура орнайды деп болжап отырмыз.

Хабар 24 телеарнасы