385,16 427,30 5.91
+7 (7172) 757 485 24kz@khabar.kz
ҚАЗ


Елімізде 171 елді мекен газбен қамтылады

  • 504
  • UPD: 14:05, 05.06.2018

«Сарыарқа» магистральді газ құбырының бірінші кезегі Астана мен 171 елді мекенді табиғи газбен қамтиды.

Бұл туралы кезекті Үкімет отырысында Энергетика министрі Қанат Бозымбаев мәлімдеді. Оның айтуынша, ұзындығы 1081 шақырым болатын Қызылорда-Жезқазған-Қарағанды-Астана бағыты бойынша бірінші кезеңі пысықталып жатыр. Газ құбырының аталған учаскесі Астана қаласы мен екі облыстың халқын табиғи газбен қамтамасыз етуге мүмкіндік береді. Бұдан басқа Қанат Бозымбаев газ электр станцияларының үлесін арттыру мақсатында қандай жұмыстар жүргізіліп жатқанына тоқталды. Яғни өткен жылы электр энергиясын өндіруде газ электр станцияларының үлесі 20,2% құрады, яғни 2020 жылға жоспарланған нысаналы көрсеткішке үш жыл бұрын қол жеткізілді.

Хабар 24 телеарнасы