378,83 431.00 6.05
+7 (7172) 757 485 24kz@khabar.kz
ҚАЗ


Түркістан облысында қуаты 14 мВт болатын күн электр станциясы іске қосылады

  • 216
  • UPD: 11:33, 20.05.2019
Түркістан облысында қуаты 14 мВт болатын күн электр станциясы іске қосылады otyrar.kz

Түркістан облысының әкімі Өмірзақ Шөкеев Арыс қаласына арнайы жұмыс сапарымен барды, деп хабарлайды Otyrar.kz.

Алдымен аймақ басшысы Ақдала ауылдық округіндегі «Қазына жер LTD» ЖШС-не аялдады. Сүт өндірумен айналысатын серіктестік 2012 жылы құрылған. Мекеменің иелігінде 2858 гектар жері бар. Фермада голштин-фриз тұқымды 1200 бас ірі қара бағылуда. Әр сиыр тәулігіне 26 литрге дейін сүт береді. Мұнда 52 адам тұрақты жұмыспен қамтылған.

Сондай-ақ, облыс әкімі Арыс қаласында орналасқан «Арыс минералды су» ЖШС-не барды. Алкогольсіз сусындар шығаратын серіктестік 2018 жылы құрылған. 1 гектар аумақта орналасқан жобаның инвестициялық құны 250 млн теңге. Цех жылына 18 млн литр су шығаруға қауқарлы. Мекеме басшысы алдағы уақытта тәтті сусын түрлерін шығаруды жоспарлап отыр.

Хабар 24 телеарнасы