426,32 497,47 5.54
+7 (7172) 757 485 24kz@khabar.kz
ҚАЗ


Бюджет қаражатынан 118 млн жымқырған елорда кәсіпкерлері сотталды

  • 522
  • UPD: 09:55, 15.06.2020
Бюджет қаражатынан 118 млн жымқырған елорда кәсіпкерлері сотталды

Нұр-Сұлтан қаласының кәсіпкерлері 118 млн теңге сомасындағы бюджет қаражатын жымқырғандары үшін сотталды.

ҚР ҚМ Қаржы мониторингі комитеті Нұр-Сұлтан қаласында «QazIndustry» Қазақстандық индустрия және экспорт орталығы» АҚ бюджеттік қаражатты жымқыру фактісі бойынша екі кәсіпкерге қатысты қылмыстық тергеуді аяқтады. Бұл туралы ҚР ҚМ ҚМК баспасөз қызметі мәлімдеді.

Айыпталушылар бақылауындағы кәсіпорындарға жалған тұлғаларды рәсімдеп, іс жүзінде негізгі қызметті өздері жүргізіп отырған. Жымқыру технологиялық процестерді жетілдіру бойынша техникалық жабдықтауға қызмет көрсетуге берген, шындыққа сай келмейтін 118 млн теңге сомасындағы шығынның өтеуін заңсыз алу арқылы жүзеге асырылған.

Көрсетілген мемлекеттік қаржылық көмек ең алдымен ОШБ қолдауға, сонымен қатар тауар, жұмыс және қызмет көрсетудің өзіндік құнының түсу салдары мен шығынды өтеуге арналған.

Нұр-Сұлтан қаласының Есіл ауданы сотының үкімімен кәсіпкерлер ҚР ҚК 190-бабының 4 б. (алаяқтық) сәйкес кінәлі деп танылып, әрқайсысына 5 жыл бюджет қаражатын алуға қатысты қызметпен айналысу құқығы мен 6 жылға бас бостандығынан айыру жазасы тағайындалды.

Сот сонымен қатар ынтымақтық тәртіпте кәсіпкерлерден «QazIndustry» Қазақстандық индустрия және экспорт орталығы» АҚ пайдасына мүліктік залал есебінде 118 млн теңге мен мемлекет кірісіне әр кәсіпкерден 1 770 000 теңгені мемлекеттік бажға өтеу түрінде өндіріп алу туралы қаулы шығарды.

Хабар 24 телеарнасы