426,32 497,47 5.54
+7 (7172) 757 485 24kz@khabar.kz
ҚАЗ


Шымкентте эпидемиологиялық жағдай тұрақты

  • 257
  • UPD: 23:54, 21.07.2020

Науқастарға қажет барлық медициналық көмек көрсетіліп жатыр, деп хабарлайды «Хабар 24».

Бұл туралы қалалық денсаулық сақтау басқармасы басшысының міндетін атқарушы Темірхан Варзилов мәлімдеді.

Ресейден келген жоғары дәрежелі реаниматолог Денис Цветков қаладағы эпидемиологиялық жағдай бойынша пікір білдіріп, жергілікті дәрігерлердің COVID-19 індетіне қарсы жұмысына оң бағасын берді.

Қазір шынында да қаладағы жұқпалы аурулар ауруханасы маңында бұрынғыдай қарбалас жоқ. Тіпті жедел жәрдем көлігінің тізіліп келіп жатқандығы да байқалмайды.

Темірхан Варзилов, қалалық денсаулық сақтау басқармасы басшысының м.а.

- Қалада жағдай тұрақты деп айта аламын. Ешқандай науқасты ауруханаға қабылдамау жайы орын алған жоқ. Жансақтау бөлімдерін де төсек орын жеткілікті. Тәулік бойы әр аурухана мен емханаға правизорлық орталықтарға мониторинг жүргізілуде.

Қаланың бас дәрігерінің сөзіне сенсек, шаһардағы дәрі-дәрмек мәселесі де шешілген. Шымкентке дәрі тасымалдаушы ірі 10 компания қажетті препараттарды жеткізуде. Бірнеше айға жететін қор жиналған. Ал Ресейден тәжірибе алмасуға келген жоғары дәрежедегі дәрігер реаниматолог Денис Цветков әріптестерінің коронавируспен күресудегі жұмысын оң бағалады.

Денис Цветков, реаниматолог /Ресей/

- Байқағанымыз, қазіргі уақытта жергілікті дәрігерлер штатты режимде жұмыс істеп, ауруханаға түскен кез келген науқасқа сапалы медициналық көмек көрсетуде. Науқастардың станционарға келіп түскен уақытынан бастап, толық емдеу жұмыстарының жүргізілуін көріп шықтық. Бұл тұрғыда барлығы дұрыс.

Шымкентте СOVID-19 біріңғай ақпараттық порталы жұмыс жасауда. Ғаламтор ақылы веб порталдан қанша төсек орын бос екендігін білуге болады. Ал денсаулық сақтау басқармасы тұрғындарға егер қандай бір ауру симптомдары білінсе, өздігінен ем қолданбай, әуелі дәрігерден онлайн кеңес алу керектігін айтып отыр.

Авторлары: Нұрбек Байбосын, Нұрмахан Бекмұратов

Хабар 24 телеарнасы