420,18 511.30 5.71
+7 (7172) 757 485 24kz@khabar.kz
ҚАЗ

Шымкентте мектептердегі кезекші сыныптар саны артады

  • 112
  • UPD: 19:48, 21.12.2020
Шымкентте мектептердегі кезекші сыныптар саны артады

Қазір шаһар «жасыл» аймақта тұр.

Бұл туралы қалалық білім басқармасының басшысы Жанат Тәжиева мәлімдеді. Үшінші тоқсаннан бастап мектеп оқушыларының 65%-і дәстүрлі түрде білім алады. Егер қалада санитарлық-эпидемиологиялық жағдай тұрақты болса, қосымша 925 кезекші сынып ашылады деп жоспарланып отыр. Ата-аналардың көпшілігі балаларын мектепке апаруға дайын. Биылғы оқу жылында Шымкентте 11 оқушы COVID-19 індетін жұқтырған. Олардың тек біреуі ғана мектепке барып жүрсе, сыныптастары мен мұғалімдердің ПТР-тесті теріс нәтиже көрсетті. Коронавируспен ауырған өзге 10 оқушы қашықтан білім алған. Қазір барлығының жағдайы жақсы. Сабақтарын жалғастыруда дейді білім басқармасының өкілдері.

Жанат Тәжиева, қалалық білім басқармасының басшысы:

- 3 тоқсанда бірінші кезекте бастауыш сыныптарды толығымен осы кезекші сыныптармен қамтуды жоспарлап отырмыз. Сонымен қатар 10-11 сынып оқушылары арасында да кезекші сыныптарды көбейту, сондай-ақ оқушы саны 400-ден аспайтын мектептерді дәстүрлі білім беруге көшіру жоспарланып отыр. Ол егер де бас санитарымыз рұқсат берген жағдайда, халықтың ахуалы дұрыс болған жағдайда осы жаңа жылдағы оқу жағдайын жоғарылату жоспарланып отыр.

Хабар 24 телеарнасы