Алматыда көп қабатты үйден өрт шығып, қарт әйел зардап шекті
- 95
- UPD: 12:06, 27.11.2020
Алматыда көп қабатты үйде пәтер өртеніп, қарт әйел жапа шекті, деп хабарлайды ҚазАқпарат.
Қалалық төтенше жағдайлар департаменті хабарлағандай, өрт таңғы 04:09-да тұтанған.
«Өрт сөндірушілер дереу Әуезов ауданындағы 1-шағынаудан №43 мекенжайына жетті. Олар келгенде үшінші қабаттағы пәтер өртеніп жатқан. Тілсіз жау балкон арқылы 4-қабатқа, шатырға өрлеп бара жатты. Қауіпсіз жерге тұрғын үйдің 10 тұрғыны, оның ішінде 3 бала шығарылып үлгерді. Өрт сөндірушілердің әрекетінің арқасында тілсіз жау 34 минутта ауыздықталды», - деді ТЖД баспасөз қызметінен.
Өртті сөндіруге 10 техника мен 30 қызметкер жұмылдырылды. Төтенше жағдайдан 80 жастағы қарт әйел жапа шеккен. Жедел жәрдем №7 ауруханаға жеткізілді. Көршілердің айтуынша, әйел жалғызілікті болған, арасында күтушісі ғана келіп жүрген.
