389,98 432,20 6.09
+7 (7172) 757 485 24kz@khabar.kz
ҚАЗ


Президент «Валдай» халықаралық пікірталас клубының отырысына қатысады

  • 203
  • UPD: 08:25, 03.10.2019

Мемлекет басшысы Қасым-Жомарт Тоқаев «Валдай» халықаралық пікірталас клубының отырысына қатысады.

Бұл туралы ҚР Президентінің баспасөз хатшысы Берік Уәли хабарлады.

«Қазақстан Президенті Қасым-Жомарт Тоқаев Ресей Федерациясының Президенті Владимир Путиннің шақыруымен 3 қазанда Сочи қаласында өтетін «Валдай» халықаралық пікірталас клубының ХVI отырысына қатысады. Шара әлемдік саяси құрылымдағы Шығыстың рөлін талқылауға арналады. Пікірталас барысында қазіргі әлемдегі геосаяси жағдайға Шығыстың ықпалы, Еуразия кеңістігіндегі саяси және экономикалық өзара іс-қимылдардың перспективалары, Таяу Шығыс мәселелері қаралатын болады. Пленарлық сессиялар барысында Қазақстан мен Ресей басшыларынан басқа Әзербайжан Президенті Ильхам Алиев, Иордания Королі ІІ Абдалла және Филиппин Президенті Родриго Дутертенің сөз сөйлеуі жоспарланған. Биыл «Валдай» халықаралық пікірталас клубының жұмысына 37 елден, 140-тан астам сарапшы қатысады», - деп жазды ол facebook-тегі парақшасында.

Хабар 24 телеарнасы