420,76 499,50 5.62
+7 (7172) 757 485 24kz@khabar.kz
ҚАЗ


Н.Нығматулин саясаткерлермен және сарапшылармен кездесті

  • 150
  • UPD: 15:09, 26.08.2020
Н.Нығматулин саясаткерлермен және сарапшылармен кездесті

Мәжіліс төрағасы Нұрлан Нығматулин депутаттық корпустың заң жобаларымен жұмыс істеу барысында сарапшылар қауымдастығымен өзара іс-қимылды нығайту қажеттігі туралы айтты.

Бұл туралы Палата спикері белгілі қазақстандық саясаттанушылармен және сарапшылармен кездесуіне талқылады. Нұрлан Нығматулин Мәжілістің азаматтық қоғам мен сындарлы ұсыныстар үшін әрдайым ашық екенін айтып, сарапшылар қауымдастығы өкілдерінің заң жобаларымен жұмыс істеудегі тәжірибесіне тоқталды. Бұлар ең алдымен, әлеуметтік, экономикалық салаларды жетілдіруге және Мемлекет басшысының саяси реформаларын іске асыруға арналған заңдар. Мәжіліс төрағасының айтуынша, сарапшылардың ұсыныстары мен пікірлері елімізді дамытуға және халықтың әл-ауқатын арттыруға бағытталған сапалы заңдарды дайындау үшін маңызды.

«Біздің ұстанымымыз барлығына белгілі – ол әрдайым заң шығарушылық жұмыс барысында сарапшылар тарапынан айтылған ұсыныстар мен пікірлерді барынша есепке алу. Біз заң жобаларымен жұмыс істеу кезінде сіздердің бағаларыңыз бен тұжырымдарыңызға сүйену үшін сарапшылар қауымдастығымен үнемі байланыста болуға ниеттіміз», – деді Нұрлан Нығматулин.

Сондай-ақ, Мәжіліс төрағасы депутаттардың заң шығару жұмысы кезекті парламенттік сессиялар арасындағы кезеңде де жалғасатынына назар аударды. Нұрлан Нығматулин атап өткендей, қазір Мәжілістің заңнамалық қоржынында 72 заң жобасы бар болса, оның 21-не депутаттардың өздері бастамашы болған. Мәжіліс спикері алдағы сессияда депутаттардың заң шығару қызметінің басым бағыттары туралы айта келіп, Мемлекет басшысы Қасым-Жомарт Тоқаевтың парламенттік сессияның ашылуында жоспарланып отырған халыққа Жолдауының орындалуын заңнамалық қолдауды қамтамасыз етудің маңыздылығын атап өтті. Алдағы уақытта депутаттарға ауылдық, аудандық, қалалық деңгейдегі билікпен жауапкершілікті кеңейту мәселелері бойынша Экологиялық кодекс жобасымен де жұмыс істеу міндеті тұр. Өз кезегінде кездесуге қатысушылар «Жайылымдар туралы» Заңды тиімді қолдану, жеке тұлғалардың банкроттығы және халықтың несиелендірілуі мен қоғамдық кеңестердің жұмысы сияқты бірқатар мәселелерді көтерді. Отырыс барысында сыбайлас жемқорлыққа қарсы заңнаманы күшейту жөніндегі жұмыста депутаттық корпус пен сарапшылар қоғамдастығының ынтымақтастығына ерекше назар аударылды. Нұрлан Нығматулин депутаттық корпус пен сарапшылар қауымдастығының ынтымақтастығының нәтижесінде ауқымды пікірлерді ескере отырып, сапалы заң жобаларын қабылдауға болатынына сенім білдірді.

Ақпарат көзі: ҚР Мәжілісінің баспасөз қызметі

Хабар 24 телеарнасы