418,17 495,30 5.70
+7 (7172) 757 485 24kz@khabar.kz
ҚАЗ


Қоғам белсенділері елордадағы аудан әкімдерінің кеңесшілері болып тағайындалды

  • 213
Қоғам белсенділері елордадағы аудан әкімдерінің кеңесшілері болып тағайындалды Елорда әкімдігі

Елорда аудандарының әкімдері сыбайлас жемқорлыққа қарсы штаттан тыс кеңесшілерді тағайындады, деп хабарлайды Нұр-Сұлтан қаласы әкімдігінің ресми сайты.

Атап айтқанда, кәсіби медиатор Ғалым Аққасов Есіл ауданы әкімінің штаттан тыс кеңесшісі, кәсіпкер және белсенді тұрғын Максим Николайчук Сарыарқа ауданы әкімінің кеңесшісі, «Жанару» республикалық қоғамдық бірлестігі қалалық филиалының екі өкілі, адвокаттар Азамат Рахымбеков пен Мұратбай Жупбаганбетов Алматы және Байқоңыр аудандары әкімдерінің штаттан тыс кеңесшілері болып тағайындалды.

Бұдан былай елорданың әр ауданында кеңесшілер тұрғындармен және әкімдікпен сыбайлас жемқорлықтың алдын алу, қоғамдық бақылау мәселелері бойынша өзара әрекеттеседі. Олар сондай-ақ ішкі сыбайлас жемқорлықты жою және азаматтарға жайлы жағдай жасау мақсатындағы «Адалдық алаңы» жобасы аясында аудан әкімдіктерінің жұмысын үйлестіретін болады.

Еске сала кетейік, 2018 жылдан бастап сыбайлас жемқорлыққа қарсы қызмет пен қала әкімдігінің бастамасымен, жақында қаланың сыбайлас жемқорлыққа қарсы іс-қимыл жөніндегі әкімінің штаттан тыс кеңесшісі болып тағайындалған қалалық мәслихат депутаты Мирас Шекенов басқаратын «Астана – Адалдық алаңы» жобасы іске қосылды.

Хабар 24 телеарнасы