378,17 430.15 5.89
+7 (7172) 757 485 24kz@khabar.kz
ҚАЗ

Павлодар облысында бір отбасы ысты газдан уланып көз жұмды

  • 506
  • UPD: 10:30, 07.02.2019
Павлодар облысында бір отбасы ысты газдан уланып көз жұмды Vesti.Ru

Баянауыл ауданының Ұзынбұлақ ауылында тілсіз жау бүтін бір отбасының өмірін қиып кетті, деп хабарлайды pavlodarnews.kz.

Бұл туралы облыстық ТЖД баспасөз қызметі мәлім етті.

«Ысты газдан улану салдарынан Бекбатыровтар отбасынан төрт адам - ата-анасы мен 4 және 7-сыныптарда оқитын екі бала қаза тапты», - дейді департаментте.

Алдын ала болжам бойынша өткен түні пештен ақау шыққан. Күні бойы отбасынан ешқайсысы байланысқа шықпаған соң сағат 21.00-де туыстарының бірі Бекбатыровтардың үйіне барғанда есік ішінен жабық тұрған. Оны бұзып кірген ер адам отбасы мүшелерін тіршілік белгілерінсіз жатқан күйінде тапқан.

Павлодар облысының әкімі Болат Бақауов көз жұмған отбасының туыстарының қайғысына ортақтасып, көңіл айтты.

Хабар 24 телеарнасы