388,07 428,20 6.05
+7 (7172) 757 485 24kz@khabar.kz
ҚАЗ


Жастарға арналған баспананы алу үшін қандай құжаттар қажет

  • 1365
  • UPD: 09:22, 05.11.2019
Жастарға арналған баспананы алу үшін қандай құжаттар қажет 015.by

Қазақстанда жұмыс істейтін 29 жасқа толмаған жастар сатып алу құқығынсыз тұрғын үй жалға ала алады.

Үміткерлер мына құжаттарды Жастар саясаты мәселелері басқармасына тапсыру керек:

- Өтініш.

- Жеке куәліктің көшірмесі

- Дипломның көшірмесі

- Неке туралы куәліктің көшірмесі (бар болған жағдайда).

- Балалардың туу туралы куәлігінің көшірмесі (бар болған жағдайда).

- Өтініш берушіде және отбасы мүшелерінде жылжымайтын мүліктің жоқтығы туралы анықтама

- Жұмыс орнынан анықтама

- Соңғы 6 айдағы кірістер туралы анықтама (кірісі кемінде 40 АЕК немесе 101 мың теңге болуы керек).

- Еңбек өтілін растайтын құжаттар.

- Банктік шот нөмірі туралы анықтама

- Банк шотындағы ақша қаражатының қалдығы мен қозғалысы туралы есеп.

- Өтініш берушінің жеке жетістіктері туралы құжаттар (бар болған жағдайда).

Құжаттар бес жұмыс күні ішінде тексерілуі керек. Егер өтініш берушіден барлық анықтамалар жиналмаса, тағы бір күн беріледі.

Содан кейін он жұмыс күні ішінде әкімдік ұпайларды есептеп, талапкерлердің тізімін жасайды. Неғұрлым көп ұпай болса, пәтер алу ықтималдығы соғұрлым жоғары болады.

Ұпайлар қалай беріледі:

Егер сіздің мамандығыңыз «Еңбек» мемлекеттік бағдарламасына сәйкес жұмыспен қамту жөніндегі уәкілетті орган бекіткен 100 танымал мамандықтардың тізіміне енгізілген болса – 10 ұпай;

Отбасының болуы үшін – 5 ұпай;

Егер сіз жеке кәсіпкер ретінде кемінде бір жыл жұмыс істесеңіз – 5 ұпай, одан кейнігі әр жыл үшін – 1 ұпай;

Тіркелген некедегі әр жыл үшін – 2 ұпай;

Егер сізде бір бала болса – 1 ұпай, одан кейінгі әрбір бала үшін – 2 ұпай;

Әртүрлі қызмет салаларында жеке жетістіктері бар болған жағдайда – 2 ұпай;

Мемлекеттік мекемелер мен кәсіпорындардағы жұмыс үшін – 5 ұпай, әр қызмет жылы үшін – 1 ұпай;

Депозит жинақтағандағы әр жыл үшін – 2 ұпай;

Талапкерлердің ұпайлары тең болған жағдайда, өтінішті ерте берген үміткерге басымдық беріледі.

Әкімдікте баспана беру туралы шешім қабылданғаннан кейін 15 күнтізбелік күн ішінде еңбек шарты жасалады. Пәтерлер сатып алу құқығынсыз 5 жылға беріледі.

Еске салайық, жыл сайын Нұр-Сұлтан, Алматы және Шымкент қалаларында жұмыс істейтін жастарға 3 мың жалдамалы пәтер беріледі. Сонымен қатар 2022 жылдан бастап мұндай тұрғын үйлердің Қазақстанның өзге де аймақтарында берілетіні белгілі болды.

Алматы қаласында «Нұрлы жер» бағдарламасына өтініштер қабылдау 30 қазанда басталды, 12 қарашаға дейін жалғасады.

Елордалық жастар 5 қарашадан бастап жастарға арналған тұрғын үйге өтініш бере алады.

Жастарға арналған баспана елорданың қай аудандарынан берілетіні хабарланған болатын.

Жастарға арналған баспаналардың кілті жыл соңына дейін берілетін болды.

Мемлекеттік тұрғын үйге қалай кезекке тұруға болатынын мына жерден көруге болады.

Дайындаған: Динара Доспан

Хабар 24 телеарнасы